Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 146-1} urai cela uyarntu ōṅki cērntārai oru nilai ē
• {KALI 146-2} varai nillā viḻumam uṟīi naṭukku uraittu teṟal mālai
• {KALI 146-3} araiciṉum aṉpu iṉṟu ām kāmam purai tīra
• {KALI 146-4} aṉṉa mel cēkkai uḷ ārātu aḷittavaṉ
• {KALI 146-5} tuṉṉi akala tuṟanta aṇiyaḷ āy
• {KALI 146-6} nāṇ um niṟai um uṇarkallāḷ tōḷ ñekiḻpu
• {KALI 146-7} pēr amar uṇ kaṇ niṟai malka a nīr taṉ
• {KALI 146-8} kūr eyiṟu āṭi kuvi mulai mēl vārtara
• {KALI 146-9} tēr vaḻi niṉṟu terumarum āy iḻai
• {KALI 146-10} kūṟupa kēḷāmō ceṉṟu
• {KALI 146-11} el iḻāy eṟṟi varaintāṉai nāṇ um maṟantāḷ eṉṟu
• {KALI 146-12} uṟṟaṉir pōla viṉavutir maṟṟu itu
• {KALI 146-13} kēṭṭīmiṉ ellīrum vantu
• {KALI 146-14} vaṟam teṟa māṟṟiya vāṉam um pōlum
• {KALI 146-15} niṟaintu eṉṉai māyppatu ōr veḷḷam um pōlum
• {KALI 146-16} ciṟantavaṉ tū aṟa nīppa piṟaṅki vantu
• {KALI 146-17} eṉ mēl nilaiiya nōy
• {KALI 146-18} nakku nalaṉ um iḻantāḷ ivaḷ eṉṉum
• {KALI 146-19} takkavir pōlum iḻantilēṉ maṉ ō
• {KALI 146-20} mikka eṉ nāṇ um nalaṉ um eṉ uḷḷam um
• {KALI 146-21} a kāl avaṉ uḻai āṅku ē oḻintaṉa
• {KALI 146-22} u kāṇ iḵtu ō uṭampu uyirkku ūṟṟu āka
• {KALI 146-23} cekkar am puḷḷi tikiri alavaṉoṭu yāṉ
• {KALI 146-24} nakkatu pal māṇ niṉaintu
• {KALI 146-25} karai kāṇā nōy uḷ aḻuntātavaṉai
• {KALI 146-26} purai tava kūṟi koṭumai nuvalvīr
• {KALI 146-27} varaipavaṉ eṉṉiṉ akalāṉ avaṉai
• {KALI 146-28} tirai tarum munnīr vaḷāakam ellām
• {KALI 146-29} nirai katir ñāyiṟṟai nāṭu eṉṟēṉ yāṉ um
• {KALI 146-30} urai kēṭpu uḻi ellām celvēṉ purai tīrntāṉ
• {KALI 146-31} yāṇṭu oḷippāṉ kol ō maṟṟu
• {KALI 146-32} maruḷ kūr piṇai pōl mayaṅka ve nōy ceyyum
• {KALI 146-33} mālai um vantu mayaṅki eri nuti
• {KALI 146-34} yāmam talai vantaṉṟu āyiṉ ataṟku eṉ nōy
• {KALI 146-35} pāṭuvēṉ pallār uḷ ceṉṟu
• {KALI 146-36} yāṉ uṟṟa evvam uraippiṉ palar tuyiṟṟum
• {KALI 146-37} yāmam nī tuñcalai maṉ
• {KALI 146-38} etirkoḷḷum ñālam tuyil ārātu āṅkaṇ
• {KALI 146-39} mutirpu eṉ mēl muṟṟiya ve nōy uraippiṉ
• {KALI 146-40} katirkaḷ maḻuṅki mati um atirvatu pōl
• {KALI 146-41} ōṭi cuḻalvatu maṉ
• {KALI 146-42} pēr ūr maṟukil perum tuyil cāṉṟīr ē
• {KALI 146-43} nīrai ceṟuttu niṟaivuṟa ōmpumiṉ
• {KALI 146-44} kār talaikkoṇṭu poḻiyiṉum tīrvatu
• {KALI 146-45} pōlātu eṉ mey kaṉalum nōy
• {KALI 146-46} iruppiṉum neñcam kaṉalum celiṉ ē
• {KALI 146-47} varuttuṟum yākkai varuntutal āṟṟēṉ
• {KALI 146-48} aruppam uṭaittu eṉ uḷ evvam porutti
• {KALI 146-49} poṟi cey puṉai pāvai pōla vaṟitu uyaṅki
• {KALI 146-50} celvēṉ viḻumam uḻantu
• {KALI 146-51} eṉa āṅku pāṭa aruḷ uṟṟu
• {KALI 146-52} vaṟam kūr vāṉattu vaḷ uṟaikku alamarum
• {KALI 146-53} puḷḷiṟku atu poḻintāaṅku maṟṟu taṉ
• {KALI 146-54} nal eḻil mārpaṉ muyaṅkaliṉ
• {KALI 146-55} allal tīrntaṉṟu āy iḻai paṇpu ē